دراسة جدوى إنشاء ملعب بادل تنس كاملة 2024

دراسة جدوى إنشاء ملعب بادل رياضي مع حساب متوسط الارباح

البادل هي رياضة حديثة في العالم العربي وسريعة النمو خاصة في مصر والخليج وافريقيا، وده يخليها من افضل فرص الاستثمار الرياضي في الوقت الحالي، انشاء ملعب بادل تنس سهل وتفاصيله قليلة مقارنة بأنواع رياضات كتير وكمان تكلفته قليلة ومناسبة للمستثمر الصغير.

انهاردة هنتناقش معاكم في بعض النقط المهمة جداً اللي بتتسأل بخصوص دراسة جدوى لملاعب البادل

النقاط الأساسية اللي هنتكلم عنها في المقالات القادمة:

اختيار مكان الملعب
تكلفة انشاء وتأسيس الملعب
تكلفة تشغيل ومصروفات الملعب
الارباح وكيفية زيادتها كل شهر
الأنشطة التكاملية للمشروع
كيفية التسويق للمشروع
ملخص مالي لارباح الملعب
كيفية اختيار شركة لإنشاء ملعب البادل

اختيار مكان الملعب

اختيار مكان إقامة ملعب البادل مهم جداً وهو احد عوامل نجاح المشروع او فشله، لذلك الاهتمام بإختيار مكان سكني مناسب بكثافة سكانية متوسط او اختيار مكان داخل مجمع رياضي مثل النوادي او مراكز الشباب او داخل الكلوب هاوس لاحد الكمباوندات السكنية وايضاً من الممكن إقامة المشروع داخل مدرسة او جامعة.

المساحة المطلوبة للملعب: لاتقل عند 300 متر مسطح.

مكان الملعب: من المهم ان الملعب يكون سهل الوصول اليه مواقف سيارات عمومية او طرق رئيسية او تمركز سكان معين

خدمات القريبة للملعب: كافيهات او مطاعم او محالات تجارية للتسوق

تكلفة انشاء وتأسيس الملعب

تكلفة انشاء هيكل ملعب بادل او سعر هيكل ملعب البادل حالياً في مصر يتراوح ما 300 الي 500 الف جنيه والهيكل هنا يعني الحديد والزجاج فقط.

اما بالنسبة للتكلفة الكلية للمشروع:

تسوية الأرض ودمكها جيداً وعمل طبقة الأحجار الجيرية بسمك مناسب لايقل عن 20 سم
عمل طبقة من الخرسانة الاسمنتية المسلحة بالحديد او خرسانة مسلحة بالفايبر بسمك لايقل عن 12 سم
توريد أرضية من العشب الصناعي بإرتفاع شعيرة لا يقل عن 12 مم
تصنيع قطاعات الحديد كما تم ذكرها سابقاً 6X8 وعمل فريمات الشبك المناسبة وفقاً لكل شركة.
توريد الواح الزجاج السيكوريت بسمك لا يقل عن 10 مم في حالة ملاعب البادل الاستاندر و 12 مم في حالة الملاعب البانوراما او السوبر بانوراما.
اعمال الإضاءة والكهرباء بشكل مناسب بعدد كشافات لا يقل عن 8 كشافات ولو انارة للتحكم.
توريد وتركيب شبكة البادل والاكسسوارات الأخرى مثل اللافتة الخاصة بالملعب وايضاً بعض اعمال التسويق.

تكلفة الملعب بالكامل علي هذه الاعمال يتراوح بين 10000 دولار إلى 25000 دولار وفقاً لمكان الانشاء وجودة المنتجات المستخدمة.

تكلفة تشغيل ومصروفات الملعب

تشغيل الملعب يعتمد علي 3 بنود رئيسية أساسية وهي:

الصيانة والنثريات
التوريدات
العمالة

الصيانة والنثريات

وفيها يتم حساب تكلفة صيانة الملعب خلال الشهر والصيانة وايضاً تكلفة الايجار والكهرباء والمياه وغيره من المصروفات هنا يتم احتساب فيها تكلفة 20 ٪ من اجمالي دخل الملعب خلال الشهر.

التوريدات

وهنا هنتكلم عن الخامات اللي بيتم شرائها بشكل دوري للملعب زي الكور والمضارب.

العمالة

في البداية إدارة المشروع تقوم علي صاحب المشروع وعامل او مشرف، وهنا يجب علي صاحب المشروع عمل راتب شهري له وللعامل او المشروع في حدود 30 % من دخل الملعب خلال الشهر

الارباح وكيفية زيادتها كل شهر

أرباح المشروع علي ما سبق اقتصاصه من النسب هو صافي 50 % من اجمالي دخل الملعب خلال الشهر.

في سؤال حلو ممكن نسأله .. هو ال 50 % كام فلوس كل شهر ؟

بص ياسيدي الفاضل .. تعالى نحسب أرباح الملعب فقط علي اقل الاحتمالات

متوسط سعر الساعة 250 جنيه

متوسط الايجار اليومي 8 ساعات

اذن / الربح اليومي = 2000 جنيه

من هذا نقول ان الربح الشهري للملعب فقط من خلال التأجير = 60000 جنيه

هنسحب من الرقم ده 50 % مرتبات وايجارات ونثريات وصيانة وخلافه.. هيتبقى صافي ربح كل شهر 30000 جنيه

طب ازاي ازود ارباح ملعب البادل ؟

السؤال ده مهم جداً ولازم تسأله قبل ما تشتغل في المشروع وهو انك لازم تعمل قاعدة عملاء قوية جداً، عن طريق تخزين بيانات كل الناس اللي بتدخل عندك الملعب اول ب أول وتعمل ليهم عروض شهرية وباقات وده هيخليك تزود دخل الملعب كل شهر عن اللي قبله.

في حاجة تانية نقدر نكسب منها ؟

اه وده هنتكلم فيها في النقطة اللي جاية.

الأنشطة التكاملية للمشروع

دايما بنشوف ان المشروع هو ملعب قائم فقط ولكن للأسف ده تفكير خاطئ تماماً، بنتعرض دايما لمشروعات مش بتكسب من الملاعب نفسها ولكن بتكسب وتحقق الربح المستهدف من خلال الأنشطة التكاملية اللي بتكون جنب الملعب.

السؤال هنا .. ما هي الأنشطة التكاملية لمشروع ملعب البادل؟

الإجابة هتكون في النقاط التالية بدون الخوض في تفاصيل.

تأجير مضارب وكرات للبادل
عمل منطقة لاندسكيب وتأجيرها لعربات متنقلة صغيرة
تأسيس منطقة لعب أطفال صغيرة وتأجيرها
انشاء كافيتريا لخدمة الجمهور
عمل غرف للألعاب الالكترونية
شراء وتأجير العاب الطاولات مثل البلياردو وتنس الطاولة
تأسيس اكاديميات تدريبية لتدريب البادل
ابتكار بطولات لرياضة البادل وعمل تنافس بين اللاعبين
عمل عضويات واشتراكات للملعب

لو اتبعت الارشادات دي هتقدر تحقق 3 اضعاف ربح الدخل الشهري للملعب.

كيفية التسويق للمشروع

التسويق لاي مشروع يحتاج بعض من الأدوات والمنصات وهي كالاتي بإختصار شديد:

استخدام مواقع التواصل الاجتماعي
عمل موقع الكتروني وتطبيق إمكانية الحجز من خلاله
انشاء شراكات مع المدارس والنوادي والشركات
عمل اشتراكات شهرية
عمل عروض حصرية للعملاء الدائمين
استقطاب الأشخاص المؤثرين على مواقع التواصل الاجتماعي

ملخص مالي لارباح الملعب

تكلفة تأسيس المشروع حوالي 700,000 جنيه
الارباح السنوية المتوقعة في حالة اتباع ما تم شرحه حوالي 1,500,000 جنيه
مصروفات التشغيل والصيانة والمرتبات حوالي 500,000 جنيه
اذن صافي الربح المتوقع خلال العام 1,000,000 جنيه (وربنا يبارك لكل مستثمر ويضاعف استثماره)

كيفية اختيار شركة لإنشاء ملعب البادل

نحن كشركة تجهيز ملاعب لدينا القدرة والكفاءة اللازمة لتجهيز مشروعك الرياضي بأفضل الخامات وافضل الأسعار ولكن نحن نعرض عليك الحرية الكاملة لاختيار الشركة التي تنفذ لك الملعب ولكن هناك عدة عوامل يجب عليك مراعاتها عند اختيارك للشركة المنفذة،

أولا: ان تكون الشركة مرخصة علي تجهيز الملاعب الرياضية لمدة لا تقل عن ٦ او ٧ سنوات كمثال نحن في جراس ايجيبت نعمل في مجال تجهيز الملاعب الرياضية منذ عام ٢٠١٠ أي منذ اكثر من ١٤ عاماً وحتى الان نقوم بالتطوير المستمر لذلك حاول ان تكون الشركة تعمل في المجال من فترة كبيرة
ثانيا: ان تكون لدى الشركة سابقة اعمال كبيرة مع جميع الهيئات والمؤسسات العامة والخاصة والجهات الاستثمارية.
ثالثا: ان يكون هناك هيكل قانوني يتم العمل من خلاله لضمان حقك المالي والتجاري عند تنفيذ المشروع.
رابعا المنتجات الخاصة بالشركة ان تكون معتمدة بشهادات اعتماد وداتا شيت للمنتجات من المصانع.