10 خطوات لانشاء ملعب بادل تنس "دليل نجاحك مشروعك"

10 خطوات لانشاء ملعب بادل تنس “دليل نجاحك مشروعك”

10 خطوات لنجاح مشروع انشاء ملعب بادل.

بما إنك داخل تبحث عن خطوات نجاح مشروع ملعب البادل. ده معناه انك بصدد انشاء ملعب بادل او بتفكر في المشروع.

المقالة انهاردة هي واحدة من اهم المقالات اللي هتقابلها لو بتفكر في انشاء ملعب بادل او أي ملعب رياضي لأننا هنتكلم فيها عن اهم النقط الأساسية اللي ممكن تكون سبب نجاح او فشل المشروع علشان كدة بننصحك تجيب ورقة وقلم وكوباية القهوة .. يلا نبدأ

ببساطة كدة مشروع انشاء الملاعب الرياضية هو واحد من انجح المشروعات الاستثمارية في العالم ودايما كل المستثمرين الصغار بيفكروا فيه وخاصة في فئة الشباب، وده نظراً انه مشروع خدمي مستهلك وممكن يكون بداية لانطلاقة استثمارية عظيمة في المستقبل زي إنك تعمل منطقة رياضية او انك تعمل علامة تجارية رياضية ثابتة ويكون عندك نادي متكامل ويكون عندك فرع واتنين وتلاتة.

حالياً من أسهل وابسط المشروعات الرياضية اللي ممكن تناسب المستثمر الصغير او المتوسط هو انشاء ملعب بادل رياضي او انشاء ملعب كرة قدم خماسي او انشاء ملعب متعدد الأغراض (سلة – طائرة – يد – تنس)

انهاردة هنتكلم بشكل خاص عن ملعب البادل ولكن لو مهتم بأي رياضة أخرى تابعنا هنتكلم في مقالات جاية كتير عن باقي المشروعات، ولكن النصايح والخطوات تعتبر ثابتة وقابلة للتغيير فقط وفقاً لنوع الملعب، والكلام اللي هيتقال مش سر، ولكن هو خلاصة نجاح او فشل اكتر من ٥٠٠ ملعب أشرفت شركة جراس ايجيبت على انشاءهم.

البادل تنس .. اسم رياضة منتشرة وهي لعبة فردية او زوجة وتعتبر من رياضات المضرب، لو بصينا بتمعن هنلاقي ان البادل تنس عاملة مزيج من ملاعب الاسكواش علشان فيها زجاج وبتتلعب في قطاع مقفول بجدران وبين رياضة التنس اللي بتتلعب على اكريليك او نجيل صناعي ونفس تخطيط الملعب.

نقدر نقول .. ان البادل تنس هو أقرب ما يكون لرياضة التنس، ولكن بتتلعب ملعب مقفول بجدران مش مفتوح زي التنس.

قبل ما نقول الخطوات محتاجين نسأل نفسنا السؤال الأهم .. مساحة ملعب البادل تنس كام؟

طيب الملعب في البداية علشان نفكر في انشاءه هنحتاج مساحة لا تقل عن 300 متر مسطح ويفضل انها تكون في منطقة حيوية او داخل مجمع رياضي او تعليمي.

بما اننا عندنا قطعة الأرض نقدر نوفرها تعالى نتكلم عن الخطوات الرئيسية اللي هتكون سبب بإذن الله في نجاح مشروعك . . وخلي بالك الخطوة الأخيرة اهم من الخطوات كلها.

الخطوة الأولى : الاختيار الجيد لمكان الملعب.

بسهولة جداً نقدر نقول ان افضل الأماكن المناسبة لاقامة أي مشروع رياضي انه يكون سهل وصول الناس ليه، يعني تختار مكان في منطقة سكنية متوسطة او عالية، ممكن يكون داخل منشأة رياضية زي نادي رياضي او مركز شباب، وممكن برضو يكون داخل منشأة تعليمية زي المدارس والجامعات، واخيراً ممكن يكون في منطقة تجارية زي المولات وعندنا امثلة كتير زي مول العرب ومول مصر بجوارهم مناطق رياضية بتخدم الزوار.

الخطوة الثانية: اختيار الشركة المنفذة للمشروع ملعب البادل.

علشان تعمل ملعب تكسب منه محتاج شركة تعمل الملعب بجودة ممكن نقول من المتوسطة فالأعلى، علشان الملعب ميطلبش صيانة علي الأقل سنتين من بداية الافتتاح، لذلك دايما بننصح العملاء نبص علي الجودة قبل ما نشوف السعر.

الخطوة الثالثة: اختيار نوع ملعب البادل ومنتجاته.

اختيار نوع الملعب ومنتجات التركيب، ملاعب البادل بتنقسم ل 3 أنواع وهما (ستاندر – بانوراما – سوبر بانوراما)، لازم تختار الملعب المناسب ليك وللفئة اللي انت مستهدفها، وكمان تخلي بالك وانت بتختار نوع الخامات زي مثلا الزجاج يكون من مصنع جودته عالية والحديد يكون قطاعات حديد تستحمل انها تشيل الزجاج من غير أي مشاكل مستقبلية، نختار نوع نجيل صناعي جودته عالية وهكذا في كل باقي البنود الخاصة بالملعب.

الخطوة الرابعة: ابعد عن الديون والقروض.

نصيحة دايماً بنقولها لعملاء جراس ايجيبت.. محدش يبدأ مشروعه بديون او قروض لانك بتحكم علي المشروع بالفشل من قبل ما يبدأ.

الخطوة الخامسة: خليك مدير مشروعك.

اللي مش هيقف علي المشروع بتاعه مش هينجح لانه مش هيشوف مطلبات السوق ولا العميل ولا مشاكل المشروع بتاعه ومهما كان المسئول مش هيقدر يحقق النجاح اللي انت بتدور عليه.

الخطوة السادسة: اخلق فرصة تأجيرية.

من البداية لازم تكون بتسجل كل معلومات العملاء بتوعك الاسم والتليفون والواتس اب والايميل علشان تقدر تبعتلهم عروض بشكل دوري وتشجعهم انهم يأجروا الملعب بتاعك وكمان تقدر تعمل اكاديمية لتعليم وتدريب لعبة البادل وخلق منافسات بين المتدربين وده هيخليك تقدر تشغل الملعب بتاعك خلال الساعات الغير محجوزة.

الخطوة السابعة: التراخيص اللازمة لانشاء ملعب بادل تنس.

مش لازم تكرر أخطاء غيرك وتعمل ملعب بدون تراخيص او تصاريح وبلاش نعمل تعدي علي الأراضي الزراعية، لان اكبر مخاطرة هتعملها في حق المشروع بتاعك انك تبدأ وانت مخالف فلازم تستعين بشركة او مكتب قانوني يستخرجلك التراخيص اللازمة لانشاء الملعب الرياضي.

الخطوة الثامنة: الصيانة الدورية.

دايما عينك علي الملعب لو في أي حاجة ظهرت في الملعب محتاجة صيانة تبدأ علي طول تتواصل مع الشركة المنفذة علشان الصيانة تتم قبل ما اعمال الصيانة تكلفك كتير.