انواع النجيل الصناعي او انواع العشب الصناعي ٢٠٢٣

ناس كتير سألت ايه هي انواع النجيل الصناعي اللي بيتم صناعتها وهل النجيل الصناعي فقط للملاعب ولا فيه منتجات اخرى ؟

انهاردة هنقولكم انواع واشكال النجيل الصناعي بشكل مبسط

النجيل الصناعي او العشب الصناعي بيتم صناعته على لأكثر من مجال :

اولا : نجيل صناعي لاندسكيب او لاندسكيب صناعي

وده بينقسم لأكتر من نوع :

1 – لاند سكيب صناعي للحدائق والفيلات والقصور والقرى السياحية والفنادق

وده بيكون افضل واقوى انواع اللاندسكيب الصناعي لانه بيتكون من 3 شعرات وبيكون شعيراته لون اخضر غامق ولون اخضر فاتح ولون اصفر وده بيكون مطابق جدا للاند سكيب الطبيعي من حيث الشكل ويمكن افضل كمان.

2 – لاندسكيب صناعي اخضر للجولف

وده طبعا زي اسمه كدة بالضبط وبيكون مناسب جدا لملاعب الجولف وده بيكون شعيراته كلها اخضر غامق علشان يتناسق مع ملاعب الجولف الحقيقية .

3- لاندسكيب صناعي لحمامات السباحة والديكور

من ارخص انواع اللاندسكيب الصناعي وده طبعا استخدامه بيكون خاص لحمامات السباحة بديل للمطاط وكمان بيستخدم لفرش ارضيات المكاتب داخل الشركات وخلافه وده نظرا لصغر طول الشعرة.

ثانيا : نجيل صناعي للملاعب

النجيل الصناعي الخاص بالملاعب بيتم صناعته طبعا بأشكال كتير وتفاصيل كتير

تقدر تقرأ كيفية صناعة النجيل الصناعي

النجيل الصناعي الخاص بالملاعب ليه اكتر من نوع وهنتكلم عن نوعين مهمين جدا

1 – نجيل صناعي شعرة عريضة

النوع ده من النجيل الصناعي بيتم صناعته من شعيرات عريضة بتكون مترابطة مع بعضها وده مش افضل نوع وبدأ يقل انتشاره نظرا لجودته الرديئة نوعا ما عن الانواع الاخرى.

2 – نجيل صناعي شعرة فردية

الشعرة الفردية ممكن ناس كتير تفتكرها انها ضعيفة لكن الغرزة ممكن يكون فيها 6 شعيرات زوجية يعني 12 شعرة فرديه وده طبعا شيئ كويس جدا كمنتج من منتجات النجيل الصناعي ومن اكتر الانواع المنتشرة من الشعيرات الفردية منتج اسمه اوميجا وده طبعا من افضل انواع النجيل الصناعي وهنتكلم عن المنتجات الموجودة في السوق المصري.

كدة اتكلمنا معاكم عن منتجات النجيل الصناعي سواء اللاندسكيب الصناعي او النجيل الصناعي الخاص بالملاعب الرياضية اللي بيتم استخدامها في تجهيز ملاعب كرة القدم الخماسية او السداسية.

لو عندك اي استفسار سيب كومنت وهنرد عليك.

اقرأ ايضا مكونات حشو النجيل الصناعي